سرگودھا: کرائےکے مکان کا تنازع، تحصیل آفس کے عملے پر حملہ

سرگودھا میں کرائے کا مکان خالی کرانے کی کوشش کے دوران تحصیل آفس کے عملے پر حملے کا واقعہ پیش آیا، جس میں کئی خواتین سمیت 20 سے زائد افراد ملوث تھے۔ پولیس کے مطابق 9 خواتین سمیت مجموعی طور پر 21 افراد نے سرکاری ٹیم پر حملہ کیا اور پٹواری کے کپڑے پھاڑ دیے۔ حملے کا شکار ہونے والی سرکاری ٹیم طارق آباد کے علاقے میں مکان خالی کروا رہی تھی۔ پولیس کا کہنا ہے کہ واقعے کے بعد سرکاری عملے پر حملے کا مقدمہ 9 خواتین سمیت 21 افراد کے خلاف درج کر لیا گیا ہے، جبکہ معاملے کی مزید تفتیش جاری ہے۔