کراچی: ضمانت کیلئے یوٹیوبر رجب بٹ پر وکلا کا تشدد

کراچی کی سٹی کورٹ میں ضمانت کے لیے آنے والے یوٹیوبر رجب بٹ کو وکلا کی جانب سے تشدد کا نشانہ بنایا گیا۔ رجب بٹ توہینِ مذہب کے کیس میں درخواستِ ضمانت کی سماعت کے لیے اپنے وکلا کے ہمراہ عدالت پہنچے تھے، جہاں موجود وکلا اور وکلا کے لباس میں موجود بعض دیگر افراد نے ان پر حملہ کر دیا۔ وکلا رہنماؤں کے مطابق عبوری ضمانت حاصل کرنے کے بعد رجب بٹ نے ایک وی لاگ بنایا تھا جس میں مدعی مقدمہ کے حوالے سے نامناسب الفاظ استعمال کیے گئے، جس پر وکلا میں غم و غصہ پایا جاتا ہے۔ وکلا کی ہڑتال کے باعث عدالت نے رجب بٹ کی درخواستِ ضمانت پر سماعت بغیر کارروائی کے 13 جنوری تک ملتوی کر دی جبکہ ان کی عبوری ضمانت میں بھی 13 جنوری تک توسیع کر دی گئی۔