اداکارہ سارہ عمیر نے ے چھوٹی عمر میں ڈراموں میں کام کرنا شروع کیا، ان کا پہلا سیریل 2008 میں پی ٹی وی کے لیے تھورا سا آسماں تھا۔ سارہ عمیر کے مقبول ڈرامے روگ، کٹھ پوتلی، اور مائے نی تھے۔
سارہ 2014 تک ایک نمایاں نام تھیں لیکن وہ مشہور پاکستانی ہدایت کار محسن طلعت سے شادی کے بعد میڈیا انڈسٹری سے غائب ہوگئیں اور ان کے دو بیٹے ہیں۔
سارہ عمیر حال ہی میں تماشا 4 سے نکلنے کے بعد دی بز میں شرکت کی اور اس دوران سابق شوہر محسن طلعت سے اپنی طلاق کے بارے میں بات کی۔
اداکارہ نے کہا کہ میں نے تماشا میں شمولیت کی وجہ یہ تھی کہ میں بہت سی چیزوں سے بریک چاہتی تھی کیونکہ میں اور میرے سابق شوہر ایک ہی فیلڈ سے تعلق رکھتے ہیں، اس لیے ہم اکثر ایک دوسرے سے ملتے ہیں، میرا خیال ہے کہ مجھے اب سب کو بتا دینا چاہیے- بہت سے لوگ پہلے ہی جانتے ہیں کہ میری طلاق حال ہی میں ہوئی ہے، تماشا میں آنے سے چند ماہ پہلے، اس وقت میں ایک مشکل مرحلے میں تھی۔
سارہ عمیر نے کہا کہ تماشا ایک ایسی جگہ ہے جہاں آپ کا کوئی رابطہ نہیں ہے، نہ کوئی ملاقات، میں نے ایک بار ایسی جگہ پر رہنے کی خواہش کی تھی جس میں مجھے مایوسی ہوئی تھی، اور اللہ نے مجھے یہ موقع فراہم کیا تھا جب میں نے کہا تھا کہ میں نے اپنی زندگی میں کافی وقت گزارا ہے۔
