صدر کی یواین سیکریٹری جنرل سے ملاقات، کشمیر تنازع کے منصفانہ حل کی ضرورت پر زور

صدر مملکت کی اقوام متحدہ کے سیکریٹری جنرل انتونیو گوتریس سے دوحہ میں ملاقات کی، پاکستان کیلئے مسلسل حمایت پر انھیں سراہا۔
آصف علی زرداری نے عالمی چیلنجز سے نمٹنے میں سیکریٹری جنرل کی قیادت اور پاکستان کیلئے مسلسل حمایت کی ستائش کی، صدر آصف زرداری نے کشمیر کے دیرینہ تنازع کے منصفانہ حل کی ضرورت پر زور دیا، سیکرٹری جنرل انتونیوگوتریس نے امن کیلئے پاکستان کے کردار کی تعریف کی۔
صدر مملکت نے دوحہ اعلامیہ کو انسداد غربت، سماجی ترقی کے عالمی عزم کیلئے خوش آئند قرار دیا، آصف زرداری نے کہا کہ بی آئی ایس پی سماجی شمولیت اورمعاشی خودمختاری کےفروغ کاکامیاب ماڈل ہے۔
انھوں نے عالمی امن، انصاف، خوشحالی کے فروغ میں اقوام متحدہ کے مرکزی کردار کی حمایت کا اعادہ کیا، صدر مملکت نے اقوام متحدہ کے امن مشنز میں پاکستان کے کردار کو اجاگر کیا۔
یواین سیکریٹری جنرل نے امن کیلئے پاکستان کے کردار کو سراہا، دہشتگردی کیخلاف پاکستان سے یکجہتی کا اظہار کیا، ملاقات میں فلسطینیوں کے حق خودارادیت، 1967 سے قبل کی سرحدوں پر خودمختار ریاست کے قیام کی ضرورت پر زور دیا گیا۔
بلاول بھٹو نے بھارت کی جانب سے پانی کو ہتھیار کے طور پر استعمال کرنے کے اقدام پر تشویش کا اظہار کیا، بلاول بھٹو نے کہا کہ بھارت کے معاہدہ منسوخ کرنے، دریاؤں کے اعداد وشمار روکنے سے پاکستان میں آفات پیدا ہوئیں