وزیرِ بلدیات سندھ ناصر حسین شاہ نے کہا ہے کہ حکومت سانحہ گل پلازہ کی مکمل انکوائری چاہتی ہے اور جوڈیشل کمیشن کی تشکیل سے بھی منع نہیں کیا گیا۔
انہوں نے کہا کہ یہ ایک بڑا اور افسوسناک سانحہ ہے جو آئندہ ایسے واقعات روکنے کے لیے آنکھیں کھولنے کے مترادف ہے۔
ناصر حسین شاہ کا کہنا تھا کہ کراچی کو وفاق کے حوالے کرنے یا سندھ کی تقسیم کی باتوں سے دل دکھتا ہے، سانحے کے بعد تناؤ کے بجائے مل کر سندھ اور کراچی کی بہتری کے لیے کام کرنا چاہیے۔
