بھارت اور بنگلادیش کے تعلقات میں بہتری کے آثار سامنے آنے لگے ہیں
بنگلادیش کی شوٹنگ ٹیم کو بھارت جانے کی اجازت دے دی گئی ہے۔ بنگلادیشی میڈیا کے مطابق حکومت نے ایشین رائفل اینڈ پسٹل شوٹنگ چیمپئن شپ میں شرکت کے لیے ٹیم کی منظوری دی ہے، جس کا باضابطہ نوٹیفکیشن بنگلادیشی وزارتِ یوتھ اینڈ اسپورٹس نے جاری کیا۔
یہ فیصلہ ایسے وقت میں سامنے آیا ہے جب سیکیورٹی خدشات کے باعث بنگلادیش کی کرکٹ ٹیم کو بھارت نہیں بھیجا گیا تھا۔
