دوحا: امریکی جنگی طیاروں نے قطر کے العدید ائیر بیس پر اپنی سرگرمیاں بڑھا دی ہیں۔ غیر ملکی میڈیا کے مطابق اتوار کی رات العدید بیس سے کے سی-135 ائیر ریفیولنگ ٹینکرز اور بی-52 اسٹریٹیجک بمبار سمیت متعدد امریکی طیاروں نے پروازیں کیں۔
رپورٹس کے مطابق العدید ائیر بیس ایران کی سرحد سے تقریباً 200 سے 300 کلومیٹر کے فاصلے پر واقع ہے، جس کی وجہ سے خطے کی تازہ کشیدگی کے تناظر میں اس کی اسٹریٹیجک اہمیت مزید بڑھ گئی ہے۔
وائٹ ہاؤس کی ترجمان کیرولین لیویٹ نے امریکی میڈیا کو بتایا کہ صدر ٹرمپ نے ہمیشہ واضح کیا ہے کہ سفارتکاری پہلا آپشن ہے تاہم اگر ضرورت پڑی تو واشنگٹن ایران کے خلاف فوجی طاقت کے استعمال سے گریز نہیں کرے گا۔
