پاک بھارت میچ سے قبل بھارتی میڈیا نے نیا شوشہ چھوڑ دیا

بھارتی میڈیا کا دعویٰ ہے کہ انٹرنیشنل کرکٹ کونسل پاکستان کے خلاف ٹورنامنٹ کے قوانین کی خلاف ورزی پر کارروائی کرنے پر غور کررہی ہے۔
پاکستان نے متحدہ عرب امارات کے خلاف میچ سے قبل قوانین کی خلاف ورزی کی۔
انٹرنیشنل کرکٹ کونسل (آئی سی سی) کی جانب سے میچ ریفری اینڈی پائکرافٹ کو ہٹانے کے پاکستان کے مطالبے سے انکار پر پی سی بی نے میچ میں تاخیر کی تھی۔
رپورٹ میں دعویٰ کیا گیا ہے کہ آئی سی سی نے یو اے ای کے خلاف میچ سے قبل پلیئرز اینڈ میچ آفیشلز ایریا (پی ایم او اے) پروٹوکول کی بدانتظامی اور متعدد خلاف ورزیوں کا حوالہ دیتے ہوئے بورڈ کو ایک ای میل بھیجا ہے۔
آئی سی سی کے سی او سنجوگ گپتا نے پی سی بی کو لکھا ہے کہ بورڈ میچ کے دن پی ایم او اے کی بار بار خلاف ورزیوں کا قصور وار ہے۔
رپورٹ میں مزید کہا گیا ہے کہ پاکستان نے میڈیا منیجر نعیم گیلانی کو ٹاس سے قبل پائی کرافٹ، ہیڈ کوچ مائیک ہیسن اور کپتان سلمان علی آغا کے درمیان ہونے والی میٹنگ ریکارڈ کرنے کی اجازت دے کر قوانین کی خلاف ورزی کی۔
 آئی سی سی نے پہلے ہی واضح کر دیا تھا کہ میڈیا مینیجرز کو ایسی میٹنگز میں شرکت کی اجازت نہیں ہے۔
علاوہ ازیں آئی سی سی کو یہ نہیں بتایا گیا کہ پی سی بی پائیکرافٹ کی فوٹیج کو کس طرح استعمال کرنے کا ارادہ رکھتا ہے۔