کراچی: جوڈیشل مجسٹریٹ ملیر نے جامعہ کراچی کے پروفیسر عارف ساقی کو موبائل فون پر دھمکیاں دینے کے مقدمے میں نامزد ملزم کونین شاہ کی ضمانت منظور کرلی۔
مقدمے کی سماعت جوڈیشل مجسٹریٹ ملیر کی عدالت میں ہوئی، جہاں پولیس نے عدالت کو بتایا کہ ملزم کے خلاف سچل تھانے میں پروفیسر عارف ساقی کو دھمکیاں دینے کا مقدمہ درج ہے۔
عدالت نے فریقین کے دلائل سننے کے بعد ملزم کونین شاہ کی ضمانت منظور کرتے ہوئے اسے 20 ہزار روپے کے مچلکے جمع کرانے کا حکم دے دیا۔
