اسلام آباد: قومی کرکٹر محمد رضوان نے نیشنل سائبر کرائم انویسٹی گیشن ایجنسیکو بذریعہ کورئیر اپنا جواب ارسال کردیا۔
ذرائع کے مطابق محمد رضوان نے اپنے جواب میں این سی سی آئی اے کی جانب سے طلب کیے جانے کی وجوہات پر سوالات اٹھاتے ہوئے پوچھا کہ انہیں کس مقصد کے لیے طلب کیا گیا تھا؟
ذرائع کا کہنا ہے کہ محمد رضوان نے اپنے خط میں یہ بھی استفسار کیا کہ ان کا موبائل فون تاحال واپس کیوں نہیں کیا گیا؟
قومی کرکٹر نے مزید سوال اٹھایا کہ انہیں بتایا جائے کہ انہوں نے کس ڈسپلن کی خلاف ورزی کی ہے؟
ذرائع کے مطابق محمد رضوان نے خط میں این سی سی آئی اے سے وضاحت طلب کرتے ہوئے کہا کہ وہ جاننا چاہتے ہیں کہ انہیں کس وجہ سے طلب کیا جا رہا ہے
