پاک بھارت میچ کے بعد پاکستانی کھلاڑیوں سے ہاتھ نہ ملانے کے معاملے پر رکی پونٹنگ نے بھی خاموشی توڑ دی۔
سابق آسٹریلوی کپتان رکی پونٹنگ نے اتوار کو دبئی انٹرنیشنل کرکٹ اسٹیڈیم میں بھارت پاکستان ایشیا کپ 2025 کے مقابلے کے دوران ہاتھ نہ ملانے کے تنازع کے حوالے سے سوشل میڈیا پر خود سے منسوب جھوٹے بیان پر خاموشی توڑی ہے۔
جعلی پوسٹ میں لکھا گیا تھا کہ پونٹنگ نے پاکستان کے ساتھ میچ کے بعد مصافحہ سے گریز کرنے پر بھارت پر تنقید کی تھی۔
پونٹنگ نے لکھا کہ میں سوشل میڈیا پر کچھ تبصروں سے واقف ہوں جو مجھ سے منسوب کیے جا رہے ہیں۔ براہ کرم جان لیں کہ میں نے واضح طور پر یہ بیانات نہیں دیے اور حقیقتاً ایشیا کپ کے بارے میں کوئی عوامی تبصرہ نہیں کیا۔
واضح رہے کہ دبئی میں پاکستانی کرکٹ ٹیم کی آج ہونے والی پریس کانفرنس منسوخ کر دی گئی ہے۔
ٹیم ذرائع کے مطابق پاکستانی کھلاڑی نے آج شام ساڑھے 7 بجے پریس کانفرنس کرنا تھی تاہم اب اسے منسوخ کر دیا گیا ہے۔
ذرائع کا کہنا ہے کہ رات 9 بجے پاکستانی ٹیم کی پریکٹس پروگرام کے مطابق ہوگی۔صورتحال تبدیل ہوئی تو پریکٹس بھی منسوخ ہوسکتی ہے۔
ایشیاکپ میں پاکستان اور متحدہ عرب امارات کے درمیان میچ کل کھیلا جائے گا۔
