نیویارک: امریکا کے شہر نیویارک کے پہلے مسلمان میئر ظہران ممدانی نے قرآن پاک پر اپنے عہدے کا حلف اٹھا لیا۔
غیر ملکی میڈیا رپورٹس کے مطابق ظہران ممدانی نے نیویارک سٹی ہال میں منعقدہ تقریب کے دوران بطور میئر اپنے عہدے کا حلف لیا۔ حلف برداری کی تقریب میں انہوں نے قرآن پاک پر حلف اٹھایا۔
نیویارک کی اٹارنی جنرل لیٹیا جیم نے ظہران ممدانی سے ان کے عہدے کا حلف لیا، جبکہ اس موقع پر ان کی اہلیہ بھی موجود تھیں۔
یاد رہے کہ ڈیموکریٹک پارٹی سے تعلق رکھنے والے ظہران ممدانی نے 4 نومبر 2025 کو ہونے والے میئر کے انتخابات میں 50.78 فیصد ووٹ حاصل کر کے کامیابی حاصل کی تھی، جس کے بعد وہ نیویارک کے 112ویں میئر منتخب ہوئے۔
