نیپال میں مظاہروں کے بعد کٹھمنڈو میں غیرمعینہ مدت کےلیے کرفیو نافذ کردیا گیا، فوج دارالحکومت کی سڑکوں پر تعینات کردیا گیا۔
غیرملکی خبرایجنسی کے مطابق نیپال میں شدید احتجاج کے بعد فوج نے کٹھمنڈو کی سڑکیں سنبھال لی ہیں، فوجی اہلکاروں نے شہریوں کو گھروں میں رہنے کا حکم دیا ہے، وزیراعظم کے پی شرما اولی کے مستعفی ہونے کے باوجود مظاہرین نے سرکاری عمارتوں کو جلایا۔
احتجاج کے دوران فوج اور مظاہرین میں جھڑپوں میں 19 افراد ہلاک ہونے کے علاوہ سیکڑوں زخمی ہوئے، سوشل میڈیا پر پابندی نے نیپال بھر میں بڑے پیمانے پر احتجاج کو بھڑکایا۔
مظاہرے بدعنوانی اور بےروزگاری کےخلاف ملک گیر تحریک میں بدل گئے، گزشتہ روز مظاہرین نے پارلیمنٹ، صدارتی ہاؤس اور مرکزی سیکریٹریٹ پر دھاوا بولا، ویڈیوز میں مظاہرین کو نیپالی کانگریس رہنما اور اہلیہ کو زد وکوب کرتے دیکھا گیا۔
وزیرداخلہ رمیش لیکھک اوروزیرزراعت رامناتھ ادھیکاری نے بھی استعفیٰ دےدیا، وزیراعظم اولی نے بھی استعفیٰ دے کر نگراں حکومت کی قیادت قبول کرلی ہے۔
خبرایجنسی نے بتایا کہ فوجی ہیلی کاپٹر وزرا کو محفوظ مقامات پرمنتقل کرتے رہے، صدر رام چندر پاؤڈل نے عوام سے مزید خون خرابہ روکنے کی اپیل کی ہے
