نادرا نے پاک آئی ڈی موبائل ایپ کے ذریعے پنجاب کی یونین کونسلوں میں پیدائش اور وفات کے اندراج کا آغاز کردیا ہے۔
نادرا کے مطابق سیلاب کے باعث فی الحال یہ سہولت صرف جہلم، چکوال اور ننکانہ صاحب کے اضلاع میں دستیاب ہے۔
حکام کا کہنا ہے کہ دیگر صوبوں میں اس حوالے سے انتظامی سرگرمیاں جاری ہیں بہت جلد وہاں بھی یہ سہولت فراہم کردی جائے گی۔
واضح رہے کہ چند روز قبل ملک بھر میں نادرا کی جانب سے شہریوں کو بھرپور سہولت فراہم کرنے کے لئے ایک اور اہم اقدام سامنے آیا تھا۔
جانشینی سرٹیفکیٹ بنوانے کے لئے اب تمام نادرا مراکز میں یہ سہولت موجود ہے، اب ملک بھر میں نادرا کے کسی بھی مرکز پر تشریف لائیں اور اپنی درخواست جمع کرائیں
