معروف اینکر اور اداکارہ نادیہ خان نے اپنے تازہ شو میں یوٹیوبر ڈکی بھائی کے مبینہ جوا ایپس کی تشہیر اور فروغ کے کیس پر کھل کر تبصرہ کیا۔
نادیہ خان نے کہا کہ ڈکی بھائی نے خود اپنی بدنامی کمائی اور جب پیسہ حرام ہو تو سکون کہاں سے آئے گا۔ انہوں نے نوجوانوں کے لیے یہ معاملہ سبق آموز قرار دیا اور کہا کہ بغیر محنت کے حاصل کیا گیا پیسہ ہمیشہ آسانی سے ضائع ہو جاتا ہے۔
اداکارہ نے مزید کہا کہ والدین خوش ہوں کہ اب بچوں کو یہ سمجھ آئے گی کہ شہرت اور پیسہ سب کچھ نہیں، تعلیم اور محنت ہی اصلی کامیابی ہے۔
نادیہ خان نے یہ بھی واضح کیا کہ جن یوٹیوبرز نے اپنی بیویوں کے ساتھ مختلف وی لاگز بنا کر شہرت کمائی، وہ بھی اس نتیجے سے سبق سیکھیں گے۔
