نان بائیوں نے روٹی اور نان مہنگا کرنے کی دھمکی دیدی

تفصیلات کے مطابق نان بائی ایسوسی ایشن نے سرکاری ریٹ پر آٹے کی فراہمی کا مطالبہ کیا ہے، نان بائیوں نے سرکاری ریٹ پر آٹا نہ ملنے پر روٹی اور نان مہنگا کرنے کی دھمکی ہے۔
نان بائی ایسوسی ایشن نے کہا کہ سرکاری ریٹ پر آٹا نہ ملنے پر روٹی 25 اور نان 30 روپے میں فروخت کرینگے۔
ایسوسی ایشن کا کہنا ہے کہ 2 ہفتے کے دوران آٹے کی قیمت میں 70 فیصد اضافہ ہوا ہے، مطالبات نہ مانے گئے تو ملک بھر میں احتجاج کریں گے۔
یہ بھی پڑھیں: کراچی میں آٹے اور نان روٹی کے سرکاری نرخ مقرر
کچھ دنوں قبل مارکیٹ ذرائع کا کہنا تھا کہ گندم کی قیمتیں بڑھ گئی ہیں اور ان میں مزید اضافے کا امکان ظاہر کیا جا رہا ہے۔ پنجاب میں گندم کی فی من قیمت 2200 روپےسے بڑھ کر 2800 ہو گئی ہے۔
ذرائع کے مطابق 20کلو آٹے کے تھیلے کی قیمت میں 100 روپے اضافہ کیا گیا، گندم کی قیمت بڑھنے پر نان بائی مالکان نے بھی روٹی کی قیمت میں 2 روپے اضافے کا عندیہ دیا تھا