مسلسل اضافے کے بعد پاکستان میں سونے کی قیمت میں آج نمایاں کمی ریکارڈ کی گئی ہے۔
تفصیلات کے مطابق عالمی اور مقامی مارکیٹس میں سونے کی قیمتوں میں کمی دیکھی گئی۔ آل پاکستان جویلرز ایسوسی ایشن کے مطابق فی تولہ سونا 900 روپے سستا ہو کر 4 لاکھ 54 ہزار 862 روپے کا ہو گیا ہے۔
اسی طرح دس گرام سونا 772 روپے کی کمی کے بعد 3 لاکھ 89 ہزار 970 روپے میں فروخت ہو رہا ہے۔
دوسری جانب بین الاقوامی مارکیٹ میں بھی سونے کی قیمت میں کمی ریکارڈ کی گئی، جہاں فی اونس سونا 9 ڈالر سستا ہو کر 4 ہزار 325 ڈالر کا ہو گیا۔
علاوہ ازیں چاندی کی قیمت میں بھی کمی دیکھی گئی، دس گرام چاندی 44 روپے سستی ہو کر 5 ہزار 871 روپے پر آ گئی ہے۔
ماہرین کے مطابق عالمی مالیاتی رجحانات اور ڈالر کی قدر میں اتار چڑھاؤ کے باعث قیمتی دھاتوں کی قیمتوں میں تبدیلی دیکھنے میں آ رہی ہے۔
