بھارتی ریاست آسام میں مودی حکومت کی پالیسیوں کے خلاف پرتشدد مظاہروں کے نتیجے میں کئی افراد ہلاک جبکہ متعدد زخمی ہو گئے ہیں۔
رپورٹس کے مطابق آسام کے قبائلی اضلاع کاربی انگ لانگ اور کھیرونی میں زمین کے تنازع پر صورتحال کشیدہ ہے، جہاں مظاہرے تشدد کی شکل اختیار کر گئے۔ بھارتی اخبار کے مطابق مختلف علاقوں سے آئے غیر مقامی آبادکاروں کی جانب سے زمینوں پر قبضے کے باعث مقامی قبائل کے معاشی وسائل اور آبادیاتی توازن کو شدید خطرات لاحق ہو گئے ہیں۔
آسام کے قبائلیوں نے مطالبہ کیا ہے کہ زرعی اور کاروباری زمینوں سے غیر مقامی افراد کو نکالا جائے۔ دوسری جانب نریندر مودی کی حکومت نے صورتحال کے پیش نظر آسام کے متاثرہ علاقوں میں انٹرنیٹ سروس معطل اور کرفیو نافذ کر دیا ہے۔
