کراچی میں نیشنل آئل ریفائنری کی لائن سے تیل چوری کی بڑی کوشش ناکام بنا دی گئی ہے۔
اسپیشل انویسٹی گیشن یونٹ کے مطابق ملزمان نے پنجاب جانے والی نیشنل آئل ریفائنری کی پائپ لائن سے تیل چوری کے لیے منصوبہ بنایا تھا، تاہم بروقت کارروائی کرتے ہوئے کوشش ناکام بنا دی گئی۔ کارروائی کے دوران 140 میٹر لمبی سرنگ بنا کر تیل چوری میں ملوث 4 ملزمان کو گرفتار کر لیا گیا۔
اسپیشل انویسٹی گیشن یونٹ کا کہنا ہے کہ ملزمان نے ایک گودام کے اندر گہری کھدائی کر رکھی تھی جہاں سے پائپ لائن تک رسائی حاصل کر کے تیل چوری کرنے کی منصوبہ بندی کی گئی تھی۔ واقعے کی مزید تحقیقات جاری ہیں۔
