میں چھوٹا سا آدمی ہوں، بڑے بڑے لوگ نا اہل ہو جائیں گے، وزیراعلیٰ سندھ

وزیر اعلیٰ سندھ مراد علی شاہ نے کہا ہے کہ میں چھوٹا سا آدمی ہوں بڑے بڑے لوگ نا اہل ہو جائیں گے۔
وزیراعلیٰ سندھ مراد علی شاہ نے آج فلڈ ایمرجنسی سیل میں میڈیا سے گفتگو کرتے ہوئے دوہری شہریت سے متعلق پوچھے گئے ایک سوال کے جواب میں کہا کہ میں تو چھوٹا سا آدمی ہوں، بڑے بڑے لوگ نا اہل ہو جائیں گے۔ دوہری شہریت کے خلاف کیس میں بڑی بڑی وکٹیں گریں گی۔
وزیراعلیٰ سندھ نے مزید کہا کہ ان کے خلاف دوہری شہریت کا کیس 2018 کا ہے اور جسٹس قاضی فائز عیسی نے اس کیس کا فیصلہ کیا تھا۔
مراد علی شاہ نے بتایا کہ انہوں نے اس فیصلے کے خلاف ایک نظرثانی دائر کر دی ہے، اور توقع ہے کہ یہ کیس آئینی بینچ کو بھیجا جائے گا۔
اسی پریس کانفرنس میں وزیراعلیٰ سندھ نے سندھ میں سیلاب اور کراچی میں بارش سے متعلق گفتگو بھی کی اور شہر قائد کے باسیوں سے اپیل کی کہ وہ بارش کے دوران گھروں سے باہر نہ نکلیں