لٹل اسٹار احمد شاہ کے چھوٹے بھائی عُمر شاہ انتقال کر گئے

اسٹار احمد شاہ کے چھوٹے بھائی عُمر شاہ انتقال کر گئے ہیں۔
 پیچھے تو دیکھو سے مشہور ہونے والے انفلوئنسر احمد شاہ نے یہ افسوسناک خبر اپنے آفیشل اکاؤنٹ سے شیئر کی ہے جس میں انہوں نے بتایا کہ ان کے چھوٹے بھائی عمر شاہ انتقال کر گئے ہیں۔
احمد شاہ نے اپنی پوسٹ میں لکھا ’ہمارے خاندان کا ننھا چمکتا ستارہ عمر شاہ خالقِ حقیقی سے جا ملا، اِنَّا لِلّٰہِ وَ اِنَّا اِلَیہِ رَاجِعُون
انہوں نے صارفین سے درخواست کی کہ وہ عمر شاہ اور ہمارے خاندان کو اپنی دعاؤں میں یاد رکھیں، اور اہلِ خانہ کے لیے صبرکی دعا کریں، عُمر شاہ کے انتقال کی وجہ اور دیگر تفصیلات سامنے نہیں آ سکی ہیں۔
ان کی اچانک وفات کی خبر نے نہ صرف احمد شاہ اور ان کے خاندان بلکہ ان کے لاکھوں چاہنے والوں کو بھی گہرے صدمے اور دکھ میں مبتلا کر دیا ہے۔
اے آر وائی کی فیملی بھی اے آر وائی ڈیجیٹل کے جیتو پاکستان اور رمضان ٹرانسمیشن میں شرارتی طبیعت سے مسکراہٹ بکھرنے والے عمر شاہ کی وفات پر تعزیت اور رنج و غم کا اظہار  کرتی ہے۔
دوسری جانب یاد رہے کہ عمر شاہ اپنی معصوم مسکراہٹ، پیارے انداز اور شرارتی طبیعت کی وجہ سے مداحوں میں بے حد مقبول تھے اور اکثر اپنے بڑے بھائی احمد شاہ کے ساتھ اے آر وائی ڈیجیٹل کے جیتو پاکستان اور  رمضان ٹرانسمیشن پر نظر آتے تھے۔
پیچھے تو دیکھو سے مشہور ہونے والے انفلوئنسر احمد شاہ کے مشہور ہونے کے بعد ان کے چھوٹے بھائی عمر شاہ اور ابوبکر بھی بے حد مقبول ہوئے اور تینوں بھائی ایک ساتھ شو میں شرکت کرتے تھے۔