راولپنڈی : سیکیورٹی فورسز نے لیفٹیننٹ کرنل جنید طارق ، میجر طیب راحت اور 9 جوانوں کی شہادت میں ملوث تمام 30 دہشتگردوں کو جہنم واصل کر دیا۔
تفصیلات کے مطابق سیکیورٹی فورسز نے اورکزئی میں فتنہ الخوارج کے دہشتگردوں کے خلاف کارروائی کرتے ہوئے افسران و جوانوں کی شہادت میں ملوث تمام 30 خارجیوں کو ہلاک کر دیا۔
سیکیورٹی ذرائع نے بتایا کہ ہلاک دہشت گردوں کا تعلق بھارتی پراکسیز فتنہ الخوارج سے تھا، جو لیفٹیننٹ کرنل جنید طارق، میجر طیب راحت اور 9 جوانوں کی شہادت میں ملوث تھے۔
ذرائع کا کہنا ہے کہ فورسز نے خفیہ اطلاع پر کارروائی کی جس کے دوران دہشتگردوں کے ٹھکانے مکمل طور پر تباہ کر دیے، جس کے بعد علاقے میں مزید دہشتگردوں کی موجودگی کے خدشے کے پیشِ نظر سرچ آپریشن جاری ہے۔
فورسز نے اس عزم کا اعادہ کیا کہ وہ ملک بھر سے دہشتگردی کے مکمل خاتمے کے لیے پرعزم ہیں اور کسی بھی دشمن عناصر کو امن و استحکام متاثر کرنے کی اجازت نہیں دی جائے گی۔
واضح رہے کہ 8 اکتوبر کو اورکزئی، خیبرپختونخوا میں ہونے والے ایک انٹیلی جنس بیسڈ آپریشن (IBO) کے دوران 19 بھارتی حمایت یافتہ دہشتگرد مارے گئے تھے جبکہ لیفٹیننٹ کرنل جنید طارق، میجر طیب راحت اور 9 جوان شہید ہوئے تھے۔
آئی ایس پی آر کے مطابق یہ کارروائی بھارتی حمایت یافتہ فتنہ خوارج گروہ کے خلاف کی گئی، جس دوران سیکیورٹی فورسز نے بھرپور جوابی کارروائی کرتے ہوئے دشمن کو بھاری نقصان پہنچایا
