پنجاب حکومت نے لائسنس یافتہ اسلحہ کی سخت نگرانی کا فیصلہ کیا ہے۔
وزیراعلیٰ پنجاب مریم نواز کی زیرصدارت امن و امان سے متعلق اجلاس ہوا جس میں صوبے کے عوام کو غیرقانونی اسلحہ پندرہ دن میں جمع کرانےکی مہلت دی گئی۔
اجلاس میں لائسنس یافتہ اسلحے کی سخت نگرانی کرنے کا فیصلہ کیا گیا جس میں ترجیحی بنیادوں پر لائسنس یافتہ اسلحہ کے مالک اور جاری کنندہ کی تصدیق کی جائے گی۔
جاری کیے گئے اسلحے کی بھی مکمل چھان بین ہو گی۔
صوبائی حکومت نے غیرقانونی اسلحہ 15 روز میں جمع کروانے کی مہلت بھی دی ہے۔
صرف پولیس اہلکار اور رجسٹرڈ سیکیورٹی گارڈ کو ہی سرِعام اسلحہ رکھنے کی اجازت ہو گی جب کہ صوبے بھر میں ڈرون پولیسنگ متعارف کرانے کا بھی فیصلہ کیا گیا۔
علاوہ ازیں ایڈیشنل آئی جی سی سی ڈی سہیل ظفر چٹھہ نے کہا کہ وزیر اعلیٰ پنجاب کی ہدایت پر پنجاب کو اسلحہ سے پاک کررہے ہیں، قتل کے واقعات میں 49 فیصد اور گاڑیاں چھیننے کے واقعات میں 62 فیصد کمی آئی ہے۔
انہوں نے کہا کہ اسلحہ کے خاتمے سے جرائم میں 75 فیصد تک کمی ہوگی، غیرقانونی اسلحہ جمع کروانے کے لیے 15 دن کا وقت دیا گیا ہے، رضاکارانہ طور پر اسلحہ جمع کروانے پر کوئی قانونی کارروائی نہیں ہوگی۔
سہیل ظفر چٹھہ نے کہا کہ سی سی ڈی صوبے بھر میں جرائم پر زیرو ٹالرنس پالیسی اپنا رہی ہے، سی سی ڈی جرائم کے خاتمے کے لیے پولیس کے ساتھ مل کر کام کررہی ہے
