کراچی:گلشن اقبال نیپا چورنگی کے قریب کھلے مین ہول میں گرنے والے 3 سالہ ابراہیم کی لاش آخرکار 14 گھنٹے بعد نالے سے برآمد کر لی گئی۔
افسوسناک واقعہ اتوار اور پیر کی درمیانی شب پیش آیا کمسن بچہ اپنے والدین کے ہمراہ شاپنگ کرنے آیا تھا اور پارکنگ ایریا میں دوڑتے ہوئے اچانک کھلے مین ہول میں جاگرا۔
ریسکیو حکام کے مطابق بچے کی لاش جائے وقوع سے تقریباً آدھاکلومیٹر کے فاصلے پر نالے کے اندر سے ملی
اہلکاروں نے کئی گھنٹے تک تلاش جاری رکھی اور آ خر کار طویل جدوجہد کے بعد معصوم بچے کی لاش نالے سے ملی۔
جاں بحق بچے کے دادا نے میڈیا سے گفتگو کرتے ہوئے بتایا کہ ابراہیم ان کے بیٹے کی اکلوتی اولاد تھا۔ والد بائیک پارکنگ میں کھڑا کرنے گیا تو بچہ ہاتھ چھڑا کر بھاگا اور اسی دوران کھلے مین ہول میں گر گیا۔
