جنگ کے بعد کیا ہوگا حماس نے اصولی طور پر اتفاق کرلیا، امریکی وزیرخارجہ

امریکی وزیرخارجہ مارکو روبیو نے کہا ہے کہ جنگ کے بعد کیا ہوگا اس پر حماس نے اصولی طور پر اتفاق کرلیا ہے۔
غیرملکی میڈیا رپورٹس کے مطابق امریکی وزیرخارجہ مارکو روبیو نے غزہ سے متعلق بیان دیتے ہوئے کہا کہ بہت جلد معلوم ہو جائے گا کہ حماس سنجیدہ ہے یا نہیں، غزہ میں حکومت ایسے نہیں بن سکتی جو 3 دن میں 3 حماس والے بدل دے۔
مارکو روبیو نے کہا کہ جنگ بندی کا معاملہ بہت جلد حل ہونے کی امید ہے، چاہتے ہیں یرغمالی جلد آزاد ہوجائیں، کوئی یہ دعویٰ نہیں کررہا کہ یہ معاملہ مکمل ہوچکا ہے۔
امریکی وزیرخارجہ نے کہا کہ امید ہے یہ معاملہ اسی ہفتے کے شروع تک طے ہوجائے گا، 90 فیصد بات طے ہوچکی، صرف انتظامی معاملات کوحتمی شکل دی جارہی ہے۔
مارکو روبیو کا مزید کہنا تھا کہ معاہدے کے بہت قریب ہیں کہ حماس کے پاس کوئی یرغمالی نہ رہے، اس کام کو ہفتوں یا دنوں تک کھینچنا نہیں چاہیے۔
’حماس اقتدار میں رہنے کا فیصلہ کرتی ہے تو اس کا مکمل صفایا کر دیا جائے گا‘