اسرائیلی فوج نے لبنان میں تعینات عالمی امن فوج کے دستوں پر ڈرون سے دستی بم برسا دیئے۔
بین الاقوامی خبر رساں ادارے کی رپورٹ کے مطابق اقوام متحدہ کی جانب سے لبنان میں تعینات عالمی امن دستے (UNIFIL) پر اس وقت حملہ کیا جب وہ اسرائیل اور لبنان کی سرحد کے قریب لبنانی فوج کے ساتھ کام میں مصروف تھے۔
رپورٹس کے مطابق عالمی امن دستے فائر بندی کے بعد جنگ زدہ علاقے میں لبنانی فوج کی معاونت کے لیے تعینات ہیں۔
حالیہ واقعے کے حوالے سے امن دستے کی جانب سے بتایا گیا کہ اسرائیلی ڈرون نے ان پر 4 دستی بم پھینکے گئے تاہم کسی قسم کا کوئی جانی نقصان نہیں ہوا۔
عالمی امن فوج کا کہنا ہے کہ ان کی جانب سے اس علاقے میں امن دستوں کی موجودگی کے حوالے سے اسرائیلی فوج کو پہلے ہی آگاہ کردیا گیا تھا۔
اس سے قبل بھی اسرائیلی فضائیہ نے جنوبی لبنان میں مرکزی تجارتی بازار کی سڑک پر بمباری کی تھی جس میں 8 شہری زخمی ہوئے تھے، ایک اور واقعے میں یو این امن دستے کے اہلکار پر فائرنگ کی گئی جس سے وہ زخمی ہو گیا۔
الجزیرہ کے مطابق لبنان کی وزارت صحت کا کہنا تھا کہ ملک کے شمال میں دو علاقوں اور دارالحکومت کے جنوب میں اسرائیلی حملوں میں کم از کم 15 افراد جاں بحق ہو گئے ہیں۔
لبنان میں اقوام متحدہ کی عبوری فورس (UNIFIL) کا کہنا تھا کہ جنوبی لبنان میں نامعلوم حملہ آوروں کی طرف سے گولی چلنے سے اقوام متحدہ کے ایک امن دستے کے کارکن کو زخمی کیا گیا
