حمیرا اصغر کی فائنل میڈیکولیگل رپورٹ، کپڑوں پر خون کے دھبوں نے نیا پنڈورا باکس کھول دیا

ماڈل و اداکارہ حمیرا اصغر کی فائنل میڈیکولیگل رپورٹ تیار ہوگئی، رپورٹ نے انکی موت پر شکوک و شبہات پیدا کردیے ہیں۔
تفصیلات کے مطابق میڈیکو لیگل رپورٹ نے حمیرا اصغر کی موت کے حوالے سے نئے شکوک پیدا کردیے، رپورٹ میں انکشاف کیا گیا ہے کہ حمیرا اصغر کے کپڑوں پر خون لگا ہوا تھا، حمیرا کی ٹی شرٹ اور ٹراؤزر پر خون کے نشانات ملے ہیں۔
میڈیکو لیگل رپورٹ میں بتایا گیا کہ حمیرا کے کپڑوں پر ڈی این اے بھی ملا ہے، حمیرا کی لاش بھی مکمل نہیں تھی، صرف ہڈیاں تھیں۔
تمام ہڈیاں سہی سلامت تھیں، جسمانی اعضا نہیں ملے، جسمانی اعضا نہ ملنے کے باعث وجہ موت معلوم نہیں ہوسکی، خون اور ڈی این اے کے حوالے سے کوئی ڈیٹا بینک موجود نہیں۔
پولیس نے بتایا کہ حمیرا اصغر کا ایک موبائل فون بھی اب تک نہیں مل سکا، موبائل فون کے ڈیٹا سے تفتیش میں بہت مدد مل سکتی تھی