فوری غزہ سے نکل جاؤ! نیتن یاہو کی فلسطینیوں کو دھمکی

اپنے بیان میں نیتن یاہو نے دھمکی دیتے ہوئے کہا کہ غزہ کے شہری میری بات غور سے سنیں، میں آپ کو موقع دے رہا ہوں، فوری طور پر نکل جائیں۔
نیتن یاہو نےکہا کہ افواج غزہ سٹی میں زمینی کارروائی کی تیاری کر رہی ہیں۔
اسرائیل نے اعلان کیا ہے کہ غزہ پر فضائی حملے مزید تیز کیےجائیں گے۔ اسرائیل کا مقصد غزہ سٹی پر قبضہ اور شہریوں کو زبردستی جنوبی علاقے میں منتقل کرنا ہے۔
غزہ سٹی کے مکینوں نے اسرائیلی انخلا کے احکامات ماننے سے انکارکردیا ہے، غزہ شہر پر اسرائیلی بمباری کے باوجود ہزاروں فلسطینی گھروں میں موجود ہیں۔
غزہ سٹی کے مکینوں کا کہنا ہے کہ اس بارگھر نہیں چھوڑیں گے، مرنا ہے تو یہاں ہی مرجائیں گے، جولوگ گھروں سے نکلے اسرائیل نے بمباری سے انہیں بھی قتل کیا، پھرکیوں جائیں؟
رپورٹس کے مطابق اسرائیلی زمینی فوج غزہ سٹی کے نواحی علاقوں سے چند کلومیٹرکے فاصلے پر پہنچ گئی ہے، اسرائیلی ٹینک شیخ رضوان کے مشرقی علاقے میں داخل ہوچکے ہیں، جہاں انہوں نے گھروں کو تباہ کردیا۔