پنجاب فوڈ اتھارٹی سرگودھا کی جانب سے بروقت کارروائی کرتے ہوئے بڑی مقدار میں مضرصحت گوشت قبضے میں لے لیا گیا۔
ڈپٹی ڈائریکٹر آپریشنز پنجاب فوڈ اتھارٹی سرگودھا محمد شہباز سرور نے اپنی ٹیم کے ہمراہ مضر صحت گوشت سپلائی کرنے والوں کے خلاف کریک ڈاؤن کیا،
بڑی مقدار میں کار کے ذریعے گوشت کو ہوٹل اور ریستورانوں میں سپلائی کرنےکےلیے لے جایا جارہا تھا۔
محمد شہباز سرور اور انکی ٹیم نے سڑک پر کار روک کر تلاشی لی تو اس میں سے 1200 کلوگرام مضر صحت گوشت پکڑا گیا۔
پنجاب فوڈ اتھارٹی سرگودھا نے مضر صحت گوشت کو موقع پر تلف کر کے ملزمان کے خلاف مقدمہ درج کروا دیا ہے
