چیف آف ڈیفنس فورسز فیلڈ مارشل سید عاصم منیر نے دورۂ سعودی عرب کے دوران سعودی عرب کے وزیرِ دفاع شہزادہ خالد بن سلمان بن عبدالعزیز سے ملاقات کی۔ ملاقات میں علاقائی امن و استحکام اور انسداد دہشت گردی کے شعبوں میں باہمی تعاون کو مزید مضبوط بنانے پر اتفاق کیا گیا۔
آئی ایس پی آر کے مطابق سعودی عرب کے سرکاری دورہ کے دوران فیلڈ مارشل عاصم منیر اور سعودی وزیر دفاع شہزادہ خالد بن سلمان نے باہمی دلچسپی کے امور ، علاقائی سلامتی کی صورتحال، دفاعی و عسکری تعاون پر تبادلہ خیال کیا۔
ملاقات کے دوران خطے کی مجموعی سیکیورٹی صورتحال، دفاعی تعاون، مشترکہ تربیت اور انٹیلی جنس تعاون سمیت اہم امور پر تفصیلی تبادلہ خیال کیا گیا۔ دونوں رہنماؤں نے پاکستان اور سعودی عرب کے درمیان دیرینہ برادرانہ تعلقات اور اسٹریٹجک شراکت داری کو مزید فروغ دینے کے عزم کا اعادہ کیا۔
فریقین نے اس بات پر زور دیا کہ بدلتی ہوئی علاقائی صورتحال میں قریبی رابطہ اور مؤثر تعاون خطے میں پائیدار امن کے لیے ناگزیر ہے، جبکہ دہشت گردی کے خلاف مشترکہ کوششوں کو مزید مؤثر بنانے پر بھی اتفاق کیا گیا۔
یہ ملاقات پاکستان اور سعودی عرب کے درمیان دفاعی اور سیکیورٹی تعاون کو مزید مستحکم بنانے کی جانب ایک اہم پیش رفت قرار دی جا رہی ہے۔
آئی ایس پی آر کے مطابق فیلڈ مارشل کو اعزاز دفاعی تعاون اور علاقائی امن کیلئے خدمات کے اعتراف میں دیا گیا۔
