فیلڈ مارشل سید عاصم منیر نے پشاور کا دورہ کیا، پاک افغان محاذآرائی میں قبائلی عوام کی ثابت قدمی اور قربانیوں کو خراج تحسین پیش کیا گیا۔
آئی ایس پی آر نے جاری بیان میں بتایا کہ فیلڈ مارشل نے پشاور میں قبائلی عمائدین کےساتھ باہمی گفتگو کی، فیلڈمارشل عاصم منیر نے کہا کہ قبائلی عوام کی سیکیورٹی فورسز کے ساتھ غیرمشروط حمایت کو سراہتے ہیں، پاکستان تمام ہمسایہ ممالک بشمول افغانستان کےساتھ امن چاہتا ہے۔
پاکستانی افواج کے سربراہ کو 11 کور ہیڈکوارٹرز میں سیکیورٹی صورتحال، آپریشنل تیاریوں پر بریفنگ دی گئی، بریفنگ میں سرحدی علاقے اور انسداددہشت گردی کے اقدامات پر تبادلہ خیال کیا گیا۔
فیلڈ مارشل نے خیبر پختونخوا کے بہادر عوام کی دہشت گردی کےخلاف جدوجہد کی تعریف کی قبائلی عمائدین نے مسلح افواج کے ساتھ مکمل حمایت اور یکجہتی کا اعادہ کیا۔
آئی ایس پی آر نے جاری بیان میں بتایا کہ قبائلی رہنماؤں نے افغان طالبان رجیم کیخلاف فوجی کارروائیوں کی حمایت کا اعادہ کیا۔
فیلڈ مارشل عاصم منیر نے کہا کہ افغان سرزمین سے پاکستان کیخلاف دہشت گردی برداشت نہیں کرینگے، افغان سرزمین سے جاری سرحد پاردہشت گردی کے باوجود صبر اور متعدد سفارتی اقدامات کیے۔
باجوڑ: پاک افغان سرحد پر دراندازی کی کوشش ناکام، انتہائی مطلوب خارجی امجد عرف مزاحم سمیت 4 دہشتگرد ہلاک
انھوں نے کہا کہ پاکستان نے دو طرفہ تعلقات بہتر بنانے کےلیے متعدد پیشکش کیں، افغان طالبان رجیم بھارتی سرپرستی والے دہشت گردوں کیخلاف کارروائی نہیں کررہی۔
آئی ایس پی آر نے بتایا کہ عاصم منیر نے کہا کہ فتنہ الخوارج اور فتنہ الہندوستان کو افغان طالبان رجیم نے مدد فراہم کی، پاکستان خصوصاً خیبر پختونخوا دہشت گردوں اور ان کے مددگاروں سے پاک ہوگا۔
فیلڈ مارشل عاصم منیر نے اس عزم کا اعادہ کیا کہ دہشت گردوں کیخلاف مؤثر کارروائیاں جاری رہیں گی، قبائلی عمائدین نے فیلڈمارشل کی بےباک گفتگو کی تعریف کی اور امن کیلئے غیرمتزلزل عزم کا اظہار کیا۔
قبائلی عمائدین نے کہا کہ فتنہ الخوارج کا منحرف نظریہ خیبر پختونخوا کے قبائل میں قابل قبول نہیں، فیلڈ مارشل نے مقامی رہنماؤں کی مدد سے علاقے میں استحکام کیلئے حکمت عملی پر زور دیا۔
آئی ایس پی آر کے مطابق جرگے میں علاقائی امن، سرحدی حفاظت اور مقامی تعاون کے موضوعات پر بات ہوئی، بریفنگ میں جاری انسداددہشت گردی آپریشنز کی تفصیلات اور مستقبل کے لائحہ عمل پر بھی غور کیا گیا۔
فیلڈ مارشل عاصم منیر نے کہا کہ مقامی تعاون دہشت گردی کیخلاف کامیابی میں کلیدی کردار ادا کرتا ہے، قبائلی عمائدین امن کے قیام میں فورسز کے شانہ بشانہ کھڑے رہیں۔
آئی ایس پی آر نے بتایا کہ قبائلی عمائدین نے بھی علاقے کی حفا
