ایشیا کپ 2025 کے سپر فور مرحلے کا ہائی وولٹیج میچ روایتی حریفوں پاکستان اور بھارت کے درمیان جاری ہے۔ تاہم یہ میچ پاکستانی اوپنر فخر زمان کو تھرڈ امپائر کی جانب سے غلط آؤٹ دیے جانے کے بعد ہی تنازع کا شکار ہو گیا ہے۔
فخر زمان کے غلط آؤٹ دیے جانے پر صرف سابق قومی کرکٹر اور پاکستانی شائقین کرکٹ ہی نہیں بلکہ خود بھارت سے بھی آوازیں اٹھ رہی ہیں۔
بھارت کے صحافی بھی اس غلط فیصلے پر چپ نہ رہ سکے اور ایک نامور صحافی راہل راوت نے تو دوٹوک کہہ دیا کہ فخر زمان کو غلط آؤٹ دیا گیا ہے۔
راہل راوت نے اپنی رائے کا اظہار کرنے کے لیے سوشل میڈیا ایپ ایکس کا سہارا لیا اور لکھا کہ ’’فخر زمان کو غلط آؤٹ دیا گیا، لگ یہی رہا ہے کہ گیند زمین سے ٹکرانے کے بعد وکٹ کیپر کے گلوز میں گئی۔‘‘
اس سے قبل سابق پاکستانی کرکٹر محمد عامر، فواد عالم مختلف شعبہ زندگی سے تعلق رکھنے والے افراد اور شائقین کرکٹ نے بھی فخر زمان کے آؤٹ دیے جانے کو امپائر کا غلط فیصلہ قرار دے چکے ہیں
