کسٹمز حکام کی کارروائی ، گاڑی سے 40 چاندی کی اینٹیں اور 36 عدد بسکٹ برآمد

کسٹمز حکام نے کارروائی کرتے ہوئے ایک گاڑی سے 40 چاندی کی اینٹیں اور 36 عدد بسکٹ برآمد کرلیے، جن کی مجموعی مالیت تقریباً 2 کروڑ 67 لاکھ 60 ہزار روپے بتائی گئی ہے۔
تفصیلات کے مطابق ایف بی آر کے مطابق پاکستان کسٹمز نے ملک کے مختلف علاقوں میں کارروائیاں کرتے ہوئے چاندی کی اسمگلنگ کی متعدد کوششیں ناکام بنا دیں۔
کسٹمز کوئٹہ نے یارو کے علاقے میں کارروائی کے دوران ایک گاڑی سے 40 چاندی کی اینٹیں اور 36 عدد بسکٹ برآمد کیے۔
ضبط شدہ چاندی اور گاڑی کی مجموعی مالیت تقریباً 2 کروڑ 67 لاکھ 60 ہزار روپے بتائی گئی۔
کسٹمز کراچی نے آر سی ڈی ہائی وے پر کارروائی کرتے ہوئے دو مسافر بسوں سے 45 کلو اسمگل شدہ چاندی برآمد کی، جس کی مالیت 2 کروڑ 10 لاکھ روپے سے زائد ہے۔
اسی طرح فیلڈ انفورسمنٹ یونٹ خورکھیرہ نے ایک کار سے 25 کلو اسمگل شدہ چاندی برآمد کی۔ تمام برآمد شدہ چاندی اور اسمگلنگ میں استعمال ہونے والی گاڑیاں ضبط کر لی گئیں۔