بھارتی نشریاتی ادارہ نیوز لانڈری نے مذہب کے نام پر سیاست کرنے والے نریندر مودی کے میڈیا کا پول کھول دیا.
بھارت میں جاری ہندو مسلم فسادات اور گودی میڈیا کا ایجنڈا بھارتی نشریاتی ادارہ کے ہاتھوں بے نقاب ہوگیا، غاصب مودی نے بھارت کو انتہا پسندی کے اکھاڑے میں بدل دیا۔
نفرت کی آگ میں اندھی بی جے پی حکومت نے نواراتری پر مسلمانوں کے کاروبار بند کرنے کا حکم سنا دیا، گودی میڈیا آئی لو محمد ﷺ پر جاری احتجاج کو اسلامو فوبیا کا رنگ دے کر پیش کرنے لگا۔
اقتدار پر قابض مودی نے آر ایس ایس کے غنڈوں اور گودی میڈیا کو پروپیگنڈا کا آلہ بنا دیا، بھارتی میڈیا پر ‘مسلمان غدار ہوتے ہیں’ کا من گھڑت بیانیہ زور پکڑنے لگا، بھارت کے گمراہ کن میڈیا کے اینکرز آر ایس ایس کے ترجمان نفرت انگیز بیانات کو ہوا دینے لگے۔
انتہا پسند آر ایس ایس ترجمان نے کھلے عام بیان دیا کہ یہ ہندوؤں کا دیس ہے جس میں مسلمان مساوی حقوق کے حقدار نہیں ہیں، مسلمانوں نے 1924 سے ہی متحدہ ہندوستان کیلیے نہیں بلکہ پاکستان کیلیے آزادی کی جدوجہد کی۔
بھارتی میڈیا مسلمانوں کو نشانہ بنا کر اب ہر تہوار کو نفرت میں بدل کر داخلی مسائل سے توجہ ہٹانے لگا ہے، گودی میڈیا نے معاشرے کو منافرت میں بدل کر انسانیت کی تذلیل کی نئی مثال قائم کر دی
