بصارت سے محروم نوجوان نے سی ایس ایس کا امتحان پاس کرکے مثال قائم کر دی!

کراچی (27 اکتوبر 2025): بصارت سے محروم نوجوان ایرل حسین نے مقابلے کا امتحان پاس کر کے دنیا کے لیے ایک مثال قائم کر دی ہے۔
سی ایس ایس امتحان پاس کرنا ہر امیدوار کی خواہش ہوتی ہے۔ اور یہ انتہائی مشکل امتحان ہوتا ہے۔ لیکن بصارت سے محروم ایک نوجوان نے اپنے راستے کی ہر رکاوٹ کو شکست دیتے ہوئے مقابلے کا یہ مشکل امتحان پاس کر کے دنیا کے لیے ایک مثال قائم کر دی۔
یہ باہمت نوجوان کراچی کے ایرل حسین ہیں، جنہوں بصارت سے محرومی کو اپنی مجبوری بنانے کے بجائے اپنی طاقت بنایا اور مقابلے کا مشکل امتحان پاس کر کے ثابت کر دیا کہ ہمت سے بڑے سے بڑے پہاڑ کو سر کیا جا سکتا ہے۔
ایرل حسین جنہوں نے بین الاقوامی تعلقات عامہ (انٹرنیشنل ریلیشنز) میں ماسٹرز کی ڈگری حاصل کر رکھی ہے۔ انہیں فارن سروس میں دلچسپی ہے ور کئی زبانیں سیکھنے کا شوق بھی ہے تاکہ پاکستان کے نقطہ نظر کو ہر فورم پر آسانی سے پیش کر سکیں