راولپنڈی: ضلع باجوڑ میں سکیورٹی فورسز نے چیک پوسٹ پر دہشتگردوں کے حملے کی کوشش ناکام بناتے ہوئے 12 خوارج کو ہلاک کردیا تاہم بارود سے بھری گاڑی کے دھماکے میں 11 اہلکار شہید ہوگئے۔ پاک فوج کے شعبہ تعلقات عامہ آئی ایس پی آر کے مطابق 16 فروری کو فتنہ الخوارج نے چیک پوسٹ کی سکیورٹی توڑنے کی کوشش کی جس پر شدید جھڑپ ہوئی،
ناکامی پر حملہ آوروں نے دھماکا خیز گاڑی دیوار سے ٹکرا دی۔ دھماکے سے قریبی عمارتوں کو نقصان پہنچا، ایک بچی جاں بحق اور خواتین و بچوں سمیت 7 افراد زخمی ہوئے جبکہ علاقے میں مزید دہشتگردوں کی تلاش کیلئے کلیئرنس آپریشن جاری ہے۔
