بحرین جانے والے مسافر کے بیگ سے ڈیڑھ کلوگرام سے زائد آئس برآمد

بحرین جانے والے مسافر کے بیگ سے ڈیڑھ کلوگرام سے زائد آئس برآمد کرلیا گیا، اے ایس ایف نے بروقت کارروائی کرتے ہوئے اسمگلنگ ناکام بنائی۔
ایئرپورٹ سیکیورٹی فورس نے لاہور کے علامہ اقبال ایئرپورٹ پر بڑی مقدار میں منشیات کی اسمگلنگ ناکام بنادی، ترجمان اے ایس ایف نے بتایا کہ بحرین جانے والی پرواز کے مسافر کے بیگ سے 1.6 کلوگرام آئس برآمد ہوا۔
ترجمان نے بتایا کہ اسکریننگ کے دوران گلابی ٹرالی بیگ مشکوک لگنے پر تلاشی لی گئی، منشیات کو بیگ کے اندر مہارت سے چھپایا گیا تھا۔
اے ایس ایف کے ترجمان نے مزید بتایا کہ ملزم کو تحویل میں لےلیا گیا ہے، ابتدائی تفتیش کے بعد کیس اینٹی نارکوٹکس فورس کے حوالے کردیا گیا ہے۔