ارشد ندیم کی شکست پر والد نے جذباتی ہو کر کیا کہا؟

جاپان کے دارالحکومت ٹوکیو میں کھیلی جا رہی ورلڈ ایتھلیٹکس چیمپئن شپ کے جیولن تھرو ایونٹ کے فائنل میں فخر پاکستان اور پیرس اولمپکس کے گولڈ میڈلسٹ قوم کی توقعات پر پورا نہ اتر سکے اور بغیر کسی میڈل کے باہر ہو گئے۔
ارشد ندیم سے پورے پاکستان سمیت ان کے اہل خانہ اور علاقہ مکینوں کو امیدیں وابستہ تھیں اور ان کے گھر پر لوگوں کی بڑی تعداد مبارکباد دینے کے لیے پیشگی جمع ہو گئی تھی۔
تاہم اس شکست پر جہاں قوم افسردہ ہوئی، وہیں ارشد ندیم کے اہلخانہ کو بھی مایوسی ہوئی۔ ان کے والد نے اس ہار کے بعد اے آر وائی نیوز سے گفتگو میں جذباتی ہو گئے۔
ارشد ندیم کے والد نے کہا کہ امید نہیں تھی کہ میرا بچہ آج فائنل میں ہار جائے گا۔
اولمپک گولڈ میڈلسٹ کے والد نے یہ بھی کہا کہ ہار جیت کھیل کا حصہ ہے۔ آج نہیں تو کل پھر وہ پاکستان کے لیے میڈل جیتے گا۔
ان کا کہنا تھا کہ ارشد کی سرجری کو کچھ دن ہی ہوئے تھے۔ اگلے ایونٹ میں وہ اچھی تیاری کے ساتھ میدان میں آئے گا اور قوم کی امیدوں پر پورا اترے گا۔
واضح رہے کہ ارشد ندیم ورلڈ ایتھلیٹکس چیمپئن شپ کے فائنل میں دو تھرو ضائع ہونے کے باعث دسویں نمبر پر آئے اور کوئی میڈل حاصل نہ کر سکے۔