امریکی صدر ڈونلڈ ٹرمپ کی ’غیر معمولی‘ صحت، ڈاکٹر کا اہم بیان

امریکی صدر ڈونلڈ ٹرمپ کی ’غیر معمولی‘ صحت کے حوالے سے ڈاکٹر کا اہم بیان سامنے آگیا۔
خبر رساں ایجنسی روئٹرز کی رپورٹ کے مطابق وائٹ ہاؤس کی جانب سے جاری میمو میں ڈاکٹر نے ڈونلڈ ٹرمپ کی صحت کو ’غیر معمولی‘ قرار دیتے ہوئے کہا کہ ان کے دل کی عمر ان کی حقیقی عمر سے 14 سال کم ہے۔
79 سالہ ڈونلڈ ٹرمپ جب دوبارہ اقتدار میں آئے تو وہ ملک کے صدر کے طور پر خدمات انجام دینے والے دوسرے سب سے عمر رسیدہ شخص قرار دیے گئے۔
اتوار کو وہ غزہ میں جنگ بندی کے معاہدے کے بعد مشرق وسطیٰ کا سفر کرنے کا ارادہ رکھتے ہیں۔
امریکی صدر کے معالج شین باربابیلا نے میمو میں کہا کہ وہ غیر معمولی صحت میں ہیں، ان کے دل، پھیپھڑوں، اعصابی اور جسمانی کارکردگی مضبوط ہے۔
ٹرمپ نے بین الاقوامی سفر کی تیاری کیلیے صحت کی جانچ اور ٹیکے بھی لگوائے جن میں فلو اور بوسٹر ویکسینیشن شامل ہیں۔
میمو میں کہا گیا کہ ان کے دل کی عمر جو کہ ای سی جی کے ذریعے قلبی صحت کا ایک معتبر پیمانہ ہے، ان کی حقیقی عمر سے تقریباً 14 سال کم پائی گئی۔