اداکارہ کترینہ کیف اور وکی کوشل کے ہاں اگلے ماہ پہلے بچے کی پیدائش متوقع

بالی ووڈ کی معروف اداکارہ کترینہ کیف اور وکی کوشل کے ہاں اگلے ماہ پہلے بچے کی پیدائش متوقع ہے۔
بھارتی میڈیا بالی ووڈ ہنگامہ کے مطابق بالی ووڈ کی دلکش اداکارہ کترینہ کیف اور معروف ہیرو وکی کوشل کی مقبول جوڑی کے بارے میں کہا جا رہا ہے کہ دونوں جلد ہی ماں باپ بننے والے ہیں۔
کئی دنوں سے یہ افواہیں گردش کر رہی تھیں کہ کترینہ کیف حاملہ ہیں۔ لیکن اداکارہ اور ان کے شوہر وکی کوشل نے اس سے متعلق خاموشی اختیار کر رکھی ہے تاہم بالی ووڈ ہنگامہ کو ایک تصدیق شدہ اپ ڈیٹ موصول ہوا ہے کہ بالی ووڈ کی باصلاحیت اور خوبصورت اداکارہ ماں بننے والی ہیں
بالی ووڈ ہنگامہ کے مطابق اگلے مہینے 15 اکتوبر سے 30 اکتوبر کے درمیان بالی ووڈ کی دلکش اداکارہ کترینہ کیف اور معروف ہیرو وکی کوشل کے ہاں پہلے بچے کی پیدائش متوقع ہے۔
بھارتی میڈیا کا یہ بھی کہنا ہے کہ اداکارہ اور ان کے شوہر وکی کوشل اس خبر کو راز رکھنا پسند کرتے ہیں اور غالباً وہ بچے کی پیدائش کے بعد اس کا اعلان کرنا چاہتے ہیں۔
خیال رہے کہ کترینہ پچھلے کچھ مہینوں سے عوامی مقامات اور تقریبات میں جانے سے گریزاں نظر آئی ہیں، یاد رہے کہ کترینہ کیف اور اداکار وکی کوشل 9 دسمبر 2021 کو راجستھان میں ایک شاہانہ تقریب کے دوران رشتہ ازدواج میں منسلک ہوئے، شادی کےکچھ عرصے بعد ہی اداکارہ کے حاملہ ہونے کے حوالے سے افواہیں شروع ہوگئی تھیں۔
جس کے بعد گزشتہ برس جون 2024 میں فلم’’ بیڈ نیوز‘‘ کی پروموشن کی تقریب میں صحافیوں نے وکی سے بچے کی جلد پیدائش سے متعلق سوال کیا تو وکی کوشل نے کہا  تھا کہ جس گڈ نیوز کی آپ بات کررہے ہیں اس سے متعلق چلنے والی ساری خبریں جھوٹی ہیں اور یہ صرف افواہیں ہیں۔
اس سے قبل ماضی میں بھی کترینہ اور وکی کوشل کی ٹیم کی جانب سے اداکارہ کے حاملہ ہونے کی افواہوں کی کئی بار تردید کی جاچکی ہے