اداکار اور پروڈیوسر ارباز خان اور ان کی اہلیہ شورا خان کے ہاں بیٹی کی پیدائش

ممبئی(6 اکتوبر 2025): بالی ووڈ کے معروف اداکار اور پروڈیوسر 57 سالہ ارباز خان اور ان کی 35 سالہ اہلیہ شورا خان کے ہاں بیٹی کی پیدائش ہوئی ہے۔
بھارتی میڈیا کے مطابق ارباز خان اور ان کی دوسری اہلیہ شُورا خان نے اپنی پہلی بیٹی کا استقبال کیا ہے، بالی ووڈ کے اس جوڑے نے ابھی تک سوشل میڈیا پر یہ خوشخبری شیئر نہیں کی، لیکن متعدد میڈیا رپورٹس نے اس کی تصدیق کی ہے۔
بھارتی میڈیا کا کہنا ہے کہ 4 اکتوبر 2025 کو شُورا خان کو ہندوجا اسپتال میں داخل کیا گیا تھا، اور اگلے دن یعنی 5 اکتوبر 2025 کو انہوں نے بیٹی کو جنم دیا، اس کے علاوہ والد ارباز خان کو اتوار کی صبح اسپتال میں دیکھا گیا، جہاں وہ بہت خوش نظر آرہے
یاد رہے کہ شُورا کی حمل کی خبریں اپریل 2025 سے گردش کر رہی تھیں، جون 2025 میں ارباز نے بمبئی ٹائمز کے ساتھ ایک انٹرویو میں اس کی تصدیق بھی کی تھی۔
اداکار نے بتایا تھا کہ وہ 57 سال کی عمر میں دوبارہ باپ بننے پر پرجوش اور گھبرائے ہوئے ہیں۔ ایک قریبی ذرائع نے بمبئی ٹائمز کو بتایا کہ ماں اور بچی دونوں خیریت سے ہیں، اور یہ جوڑا بہت خوش ہے۔
ارباز خان ایک مشہور بھارتی اداکار اور فلم پروڈیوسر ہیں، جو دبنگ فرنچائز کے لیے جانے جاتے ہیں دوسری جانب، ان کی دوسری اہلیہ شُورا خان ایک برطانوی-بھارتی میک اپ آرٹسٹ ہیں، دونوں کے درمیان عمر کا فرق 23 سال کا ہے۔
ارباز نے 24 دسمبر 2023 کو ممبئی میں کچھ عرصے تک ڈیٹنگ کے بعد ایک سادہ نکاح کی تقریب میں شُورا سے شادی کی تھی، عمر کے فرق کے باوجود دونوں کے درمیان مضبوط رشتہ ہے، شادی کے تقریباً دو سال بعد جوڑے نے اب اپنی زندگی کے ایک نئے اور خوبصورت باب کا آغاز کیا ہے، اپنی پہلی بیٹی کے استقبال کے ساتھ۔
یاد رہے کہ یہ ارباز خان کا دوسرا بچہ ہے۔ اس سے قبل انہوں نے اپنی سابقہ اہلیہ ملائیکہ اروڑہ کے ساتھ اپنے پہلے بیٹے، ارہان خان، کا استقبال کیا تھا۔