آباد اور سعودی پاکستان بزنس کونسل میں ایم او یو سائن

ایسوسی ایشن آف بلڈرز اینڈ ڈویلپر پاکستان (آباد) اور سعودی پاکستان بزنس کونسل میں اقتصادی تعاون کیلئے مفاہمتی یادداشت پر دستخط ہو گئے۔
آباد کی جانب سے سینئر وائس چیئرمین افضل حمید نے مفاہمتی یادداشت پر دستخط کیے جب کہ سعودی پاکستان بزنس کونسل  کےوائس چیئرمین عبدالعزیز الجلان نے بھی دستخط کیے۔
معاہدے کے تحت آباد اور ایس پی بی سی نے سرمایہ کاری بڑھانے فریم ورک تشکیل دیا ہے۔ آباد اور ایس پی بی سی تعمیراتی ،رئیل اسٹیٹ سیکٹر میں سعودی سرمایہ کاری کی حوصلہ افزائی کریں گے۔
سینئر وائس چیئرمین آباد افضل حمید کا کہنا ہے کہ تعمیراتی منصوبوں میں جوائنٹ وینچر کے امکانات تلاش کریں گے یہ معاہدہ پاکستان، سعودی عرب میں اقتصادی انضمام کی جانب اہم سنگ میل ہے۔
ان کا کہنا تھا کہ ایم او یو غیرملکی سرمایہ کاری کو راغب، روزگار کے مواقع اور تعمیراتی صنعت کو مستحکم بنانے میں مددگار ثابت ہو گا