10 بڑے شہروں میں 20 ستمبر سے خطرناک وائرس پھیلنے کا خطرہ ! الرٹ جاری

تفصیلات کے مطابق محکمہ موسمیات نے 20 ستمبر سے ڈینگی کے پھیلنے کے خدشے کے پیشِ نظر عوام کو محتاط رہنے کی ہدایت کر دی۔
محکمہ موسمیات نے بتایا کہ حالیہ بارشوں اور سیلابی پانی نے ڈینگی مچھر کی افزائش کے لیے سازگار ماحول پیدا کر دیا ہے۔ کراچی، لاہور، اسلام آباد سمیت 10 بڑے شہر اس وائرس کے شدید خطرے سے دوچار ہیں۔
موسمیاتی ڈیٹا کے مطابق اس سال ڈینگی کے سب سے شدید پھیلاؤ کا خدشہ ظاہر کیا گیا ہے۔
الرٹ میں کہا گیا ہے کہ ڈینگی مچھر سورج نکلنے کے بعد اور سورج ڈھلنے سے پہلے سب سے زیادہ متحرک ہوتے ہیں، درجہ حرارت 26 سے 29 ڈگری، نمی 60 فیصد اور بارش 27 ملی میٹر ڈینگی کے پھیلاؤ کے لیے انتہائی موزوں حالات ہیں۔
محکمہ موسمیات نے خبردار کیا کہ سیلاب زدہ علاقوں میں ٹھہرا ہوا پانی ڈینگی مچھر کی افزائش کے لیے خطرناک ہے، اس لیے شہری انتظامیہ فیومیگیشن اور صفائی کے اقدامات تیز کرے تاکہ وبا پر قابو پایا جا سکے