یوم تحفظِ ختم نبوتملک بھر میں آج نہا یت عقیدت و احترام کے ساتھ منایا جا رہا ہے۔اس سلسلے میں متعدد کانفرنس اور محفلوں کا انعقاد کیا گیا
کراچی میں تاجدارِ ختمِ نبوت ریلی 2025 انتہائی جوش و خروش اور عقیدت و احترام کے ساتھ نکالی گئی۔ ریلی میں علما کرام، مشائخ، دینی طلبہ، تاجر برادری اور شہریوں کی بڑی تعداد شریک ہوئی۔ شرکائے ریلی نے عشقِ رسول ﷺ کے نعروں اور عقیدہ ختمِ نبوت کے حق میں فلک شگاف آوازیں بلند کیں۔ ریلی کا آغاز شہر کے مرکزی علاقے سے ہوا جو مختلف شاہراہوں سے گزرتی ہوئی اپنے مقررہ مقام پر پہنچ کر اختتام پذیر ہوئی۔
ریلی کے شرکاء کے ہاتھوں میں کلمہ طیبہ اور ختمِ نبوت کے بینرز تھے جبکہ درود و سلام کی صدائیں گونجتی رہیں۔ مقررین نے اپنے خطابات میں کہا کہ عقیدہ ختمِ نبوت صرف ایک دینی مسئلہ نہیں بلکہ اُمت مسلمہ کے ایمان کی بنیاد اور ہماری ملی پہچان ہے۔ انہوں نے کہا کہ پاکستان کا وجود لا اِلٰہ اِلَّا اللہ کے نعرے پر قائم ہوا تھا اور اس کی حقیقی بقا اسی وقت ممکن ہے جب ہم عشقِ رسول ﷺ کو اپنی زندگی کا مقصد بنائیں۔
علما نے نوجوانوں پر زور دیا کہ وہ اپنی زندگیاں سیرتِ طیبہ ﷺ کے مطابق گزاریں اور باطل قوتوں کے خلاف متحد ہو کر کھڑے رہیں۔ مقررین کا کہنا تھا کہ ختمِ نبوت کے تحفظ کے لیے پوری قوم ہر قربانی دینے کو تیار ہے۔ ریلی کے دوران اتحادِ امت پر خصوصی زور دیا گیا اور کہا گیا کہ تاجدارِ ختمِ نبوت ﷺ کے نام پر سب ایک ہیں۔
اجتماع کے آخر میں ملک کی سلامتی، امت مسلمہ کے اتحاد اور عالم اسلام کے امن و استحکام کے لیے خصوصی دعا کی گئی
انیسو ترپن اور انیسو چوھتر کی تحریکات میں ہزاروں علماء، صلحاء،مشائخ اورجملہ امت محمدی نے کلیدی اور مرکزی کردار ادا کیا۔
سات ستمبر انیسو چوھتر کا دن ہماری قومی اور ملی تاریخ میں قادیانیوں کو جمہوری اور پارلیمانی بنیاد پر غیر مسلم اقلیت قرار دینے کے حوالے سے ہمیشہ یادگار رہے گا۔یہ فیصلہ مسلمانوں کی طویل جدوجہد کا نتیجہ تھا ۔ ستمبر ہماری قومی اور ملی تاریخ میں اسلامیان پاکستان کے دیرینہ مطالبہ پر اس وقت کی قومی اسمبلی نے قادیانیوں کو جمہوری اور پارلیمانی بنیاد پر غیر مسلم اقلیت قرار دیدیا۔ اکابرین علمائے اہل سنت میں مبلغ اسلام فاتح قادیانیت علامہ شاہ احمد نورانی ؒکا نام ہمیشہ نقش رہے گا، علامہ شاہ احمد نورانیؒ اور تمام مسالک کے علماء کی طویل جدوجہد کے بعد آخر کار پاکستان کے آئین میں قادیانیوں کو غیر مسلم اقلیت قرار دیا گیا،جو بلاشبہ اسلامی تاریخ میں ایک یادگار اور تاریخ ساز دن ہے۔
