امریکی صدر ڈونلڈ ٹرمپ نے امریکہ کے 250 ویں یومِ آزادی کی تقریبات سے خطاب کرتے ہوئے کہا ہے کہ دنیا کی تاریخ میں کسی بھی ملک نے اپنی کامیابیوں کا اتنا بڑا جشن نہیں منایا جتنا امریکہ منا رہا ہے۔ انہوں نے امریکی عوام کو اس تاریخی موقع پر مبارکباد دیتے ہوئے کہا کہ یہ دن قوم کی جدوجہد، قربانیوں اور کامیابیوں کی علامت ہے۔
ٹرمپ کے مطابق امریکہ کا “سنہری دور” شروع ہو چکا ہے اور ملک ہمیشہ اپنی آزادی، خودمختاری اور قومی مفادات کے دفاع کے لیے مضبوط کھڑا رہا ہے۔ انہوں نے مزید کہا کہ امریکہ کبھی کسی کے سامنے نہیں جھکا اور امن کا خواہاں رہتے ہوئے اپنے اصولوں پر قائم رہا ہے۔
