کراچی: گلبرگ میں پولیس مقابلے میں ایک ملزم ہلاک، ساتھی فرار

کراچی کے علاقے گلبرگ میں مبینہ پولیس مقابلے میں ایک ملزم ہلاک ہوگیا، ملزمان شہری سے موبائل فون اور پرس چھین کر فرار ہو رہے تھے کہ پولیس نے تعاقب کیا، اس دوران ملزمان نے ایک گلی میں داخل ہو کر پولیس کو دیکھتے ہی فائرنگ شروع کر دی جس پر جوابی کارروائی کی گئی، فائرنگ کے تبادلے میں ایک ملزم مارا گیا جبکہ اس کا ساتھی موقع سے فرار ہونے میں کامیاب ہو گیا۔