کراچی کے علاقے ڈیفنس میں پولیس نے کارروائی کرتے ہوئے مبینہ طور پر منشیات فروشی میں ملوث ایک خاتون سمیت دو ملزمان کو گرفتار کر لیا۔ پولیس ترجمان کے مطابق ڈیفنس پولیس نے دورانِ گشت کریک روڈ پر ایک مشتبہ کار کو روک کر اس کی تلاشی لی۔
تلاشی کے دوران گاڑی سے 110 گرام آئس برآمد ہوئی، جس کے بعد کار میں سوار خاتون سمیت دونوں افراد کو گرفتار کر کے تھانے منتقل کر دیا گیا۔ پولیس کا کہنا ہے کہ گرفتار ملزمان کے خلاف انسدادِ منشیات ایکٹ کے تحت مقدمہ درج کر لیا گیا ہے، جبکہ مزید تفتیش جاری ہے۔
