کراچی میں پانی کا بحران بدستور برقرار ہے، جبکہ دھابیجی اور حب پمپنگ اسٹیشنز پر بجلی کے مسائل کے باعث شہر کو پانی کی فراہمی مزید متاثر ہوئی ہے۔
واٹر کارپوریشن کے مطابق حب سے آنے والے پانی کی سپلائی میں نمایاں کمی آئی ہے، جس کے باعث شہری مہنگے داموں ٹینکرز خریدنے پر مجبور ہیں۔
ترجمان کراچی واٹرکارپوریشن کا کہنا ہے کہ حب سے کراچی کو یومیہ 85ملین گیلن پانی کی فراہمی متاثر ہے۔ حب پمپنگ اسٹیشن پر بجلی کی فراہمی متبادل ذرائع سے جاری ہے۔
