چین نے امریکی صدر کے اس دعوے کو مسترد کر دیا ہے جس میں کہا گیا تھا کہ امریکا کی جانب سے تحویل میں لیے گئے ایک جہاز میں چین سے ایران کیلئے بھیجے گئے تحائف موجود تھے۔
چینی وزارت خارجہ کے ترجمان نے بیان میں کہا کہ چین کی جانب سے تحائف بھیجنے کا دعویٰ بے بنیاد اور حقائق کے منافی ہے۔
ترجمان نے مزید کہا کہ آبنائے ہرمز کی بندش یا ناکہ بندی کے باعث ریاستوں کے درمیان معمول کی تجارت متاثر نہیں ہونی چاہیے۔
چینی دفتر خارجہ نے امریکا کی جانب سے چین پر مصنوعی ذہانت (اے آئی) ٹیکنالوجی چرانے کے الزامات کو بھی مسترد کرتے ہوئے انہیں بے بنیاد قرار دیا۔
واضح رہے کہ امریکی صدر نے دعویٰ کیا تھا کہ تحویل میں لیے گئے جہاز میں چین سے ایران کو بھیجے گئے سامان یا تحائف موجود تھے، تاہم چین نے اس مؤقف کی سختی سے تردید کر دی ہے۔
