چین کے جنوب مغربی علاقے گوانگسی میں علی الصبح ہونے والے ایک دھماکے میں کم از کم 7 افراد ہلاک جبکہ 17 افراد زخمی ہو گئے ہیں۔
میڈیا رپورٹس کے مطابق واقعے کے بعد زخمیوں کو فوری طور پر قریبی اسپتال منتقل کر دیا گیا، جہاں حکام نے بتایا ہے کہ کسی زخمی کی حالت تشویشناک نہیں ہے۔
مقامی انتظامیہ نے دھماکے کی وجوہات جاننے کے لیے تحقیقات شروع کر دی ہیں، تاہم ابتدائی طور پر گیس پائپ لائن میں کسی خرابی کے امکان کو مسترد کر دیا گیا ہے۔
حکام کے مطابق دھماکا زنگن قصبے میں پیش آیا جو معدنی اور زرعی وسائل سے مالا مال پہاڑی علاقے میں واقع ہے، اور مزید تفصیلات اکٹھی کی جا رہی ہیں۔
